0 00 1 min 2 yrs 49
হেলনীয়া বেলিটো নৈ খনত পৰাৰ লগে লগেই                                                                                     
নৈখনে বৰণ সলাবলৈ ধৰে ,                              
সেন্দুৰীয়া বেলিটোৱে গোটেই
নৈখনকে নিজৰ কৰি লয় ।
বৰণ সলোৱা নৈখনৰ দৰেই আছিল আবেলিটো                                                                                   নৈখনৰ সাক্ষী আছিলো আমি,                                                            আৰু আমাৰ প্ৰতিদিনৰ সাক্ষী নৈ খন |
নৈ খন কোনোদিনেই ৰোৱা নাছিল নিজৰ বাবে,
বেলিটোৱে ভালপোৱা দৰেই ।
নিজকে ৰঙীন কৰি প্ৰতি ক্ষণ সজাইছিল, 
আবেলিৰ বেলিটোৱে ক’ত কথাই যে কৈ যায় 
মোক আৰু তোমাক |
ৰঙা বেলিটোৰ লগতে আমাৰ কত সুখ-দুখ,
জেদ,অভিমান নৈ খনে লগত লৈ গুচি গৈছে……                                
তাৰ বাবেইতো নৈখন আমাৰ ইমান আপোন ।
নৈখনে বৰকৈ মাতি থাকে মোক,                                                       কিন্তু আজি বহু দিন হ’ল নৈখনৰ কাষ চপা নাই,                       কাৰণ যে তুমি নাই….

Leave a Reply

Your email address will not be published. Required fields are marked *