0 00 1 min 1 yr 9

 পদূলি 

উদং চোতাল
ঢোলে- দগৰে  নাহিল বহাগ ..
নাছনীৰ পাঁজিসৰীয়া ভৰিৰ
পৰশ  বিচাৰি 
বন- দুবৰীয়ে কৰে হাহাকাৰ 
ঢোলত চাপৰি
ঢুলীয়া বুলনিত 
কৰ´নাই বান্ধিলে হাত..
বাৰীৰ কপৌ-ফুলে 
ৰিঙিয়াই মাতিলেওঁ 
শুৱনি নকৰে 
নাচনীৰ নেঘেৰী-খোপাত …
বন্ধ মণিকুট
ৰুদ্ধ বাঁটচ’ৰা   
গোসাঁই আৰ্শীষ লবলৈ  
বিহুৱা মন আকুল কৰিলেওঁ
বিহুৱতীৰ  মন সেমেকা … 
ৰহঢলা পথাৰত
শুনা নাই পেঁপাৰ মাত 
গোৱা নাই বিহু গীত …
“ৰিণিকি-ৰিণিকি
শুনিছো 
ঢোলৰ মাত, 
শুনিছো 
ঢোলৰ মাত.
পেঁপাৰ মাতে বলীয়া কৰে” 
ম্লান আহতৰ তল
মৌন চৌ দিশ 
ৰঙালী বুকুত দহিছে 
বিহু -সুৰ …
( বহাগ আহিব বছৰি ..শোক নাই বেজাৰ নাই ,সংকতৰ সময়ত বহাগে সাহস দিয়ে, বহাগে যে সমন্বয়ৰ  সেতু বান্ধে  ,বিনন্দীয়া পৃথিবীক ন’সাজ পিন্ধাই ..বহাগে দিয়ে  অসমীয়াক প্ৰতিশ্ৰুতি …) 
ৰাখী দত্ত শইকীয়া .

Leave a Reply

Your email address will not be published. Required fields are marked *