উৎকট গৰমত সেউজীয়া গছজোপাৰ তলতেই জিৰাই ,
ওপৰৰ পৰা সৰি পৰা
পকা আপেলটোত একামোৰ দিলো ,
এটা জীয়া পোকে কিলবিলাই উঠিছে
আই অ  তক্ষকেই আহিল নেকি   ছদ্মবেশত, মোক দংশন কৰিবলৈ
ৰক্ষা কৰিবলৈ দেখোন  তপস্বী কাশ্যপ নাই?
সাধাৰণ মানৱী  হৈ অলীক কল্পনা  মোৰ
শমীকৰ ডিঙিত মইটো আৰি  দিয়া নাছিলো জংঘলৰ মৰাসাপ ,
শিঙ্গী মুনিৰ অভিশপ্তা হবলৈ ।

মোৰ আঁশে পাশে ঘুৰি আছে বহুত তক্ষক আৰু নাগ- নাগিন ,সিহঁতৰ দংশনত ভষ্মিভুত হৈ ,
আত্মবিশ্বাস আৰু সাহসৰ মূলমন্ত্ৰত
পুনৰ সেউজীয়া হঁও ।