0 00 1 min 3 yrs 100
ফাৰহান জাৱেদ

তোমাৰ বুকুত সৰিয়হ ফুলিছে
আৰু
একাকিত্বৰ পোৰা গোন্ধ এটা ভাঁহি আহিছে ৰৰৈয়া বতাহত
জানো ক’ত আছা তুমি!
তুমিহীনতাত ব্ৰহ্মপুত্ৰ চাপৰিৰ এডৰা সৰিয়হ
চকুত চাঁত মাৰি ধৰিছে….
চাপৰিখন আমাৰ আছিল
অচিন ধুমুহাৰ দুখন হাতে টানি নিলে
নতুনৰ অহংকাৰে খেতিডৰা উচন কৰিলে
গাভৰু নৈখনৰ বেহিচাব মহিমা
এই পানী
এই মাটি
       খহেও খলপা খলপে
মই গাভৰুপৰীয়া মাছুৱৈ
তুমি মৰিগাঁওৰ লোকগান…

Leave a Reply

Your email address will not be published.