মানু তুমি নোযোৱা ? ” চোৱা , সিয়ে মইয়ে কলেজৰ পৰা বিশ্ববিদ্যালয়লৈকে একে লগে পঢ়িলো । তাৰ লগতে তাৰ মাককো তুমি মোৰ লগতে আহিব আৰু চিনাকী কৰাই দিম বুলি কথা দি আহিলো । আনকি তোমাকো সি মাতিছে ।”
“তুমি যাবা বুলিয়েই এই গাড়ী খন ভাৰা কৰি আনিলো । কেৱল মই যাবলৈ অহাহেঁতেন বাইক খন লৈয়ে আহিলো হেঁতেন ।”
” মই কালিৰে পৰা কৈয়ে আছো নাযাওঁ । তুমি কিয় মোক জোৰ কৰি আছা । মোৰ বহুতো সমস্যা থাকিব পাৰে । মুঠতে আজি তোমাৰ লগত নাযাওঁ । নভনীল মোৰ সমস্যাটোও অলপ বুজিবলৈ চেষ্টা কৰা । ” ” মানু ! তোমাৰ কি এনে সমস্যা মোৰ বন্ধুৰ বিয়ালৈ যোৱাত সমস্যা আছে ।”
” সিহঁতৰ ঘৰৰ সকলোৱেই জানে তোমাৰ লগত মোৰ পাঁচ বছৰীয়া প্ৰেমৰ সম্পৰ্কৰ কথা আৰু আমাৰ বিয়াও যে তিনি-চাৰি মাহৰ ভিতৰতে হ’ব ।”
” নভনীল ! মইতো কোৱা নাই তেওঁলোকে আমাৰ সম্পৰ্ক কথা নাজানে । মোৰ লগত তুমি যাবলৈ পালে যেনেকৈ অত্যন্ত সুখী পুলকিত হোৱা ,মইয়ো হওঁ ।” “মানু তেন্তে নোযোৱা কিয় ? ” ” নভনীল ! তোমাৰ লগত অভিশেষৰ বিয়ালৈ গ’লে আমি দুয়োজনেই খন্তেকৰ কাৰনে হ’লেও মনত অকমান দুখ পাম ,বিশেষকৈ মই । কাৰণ তুমি অভিশেষৰ ভনীয়েকক প্ৰেমৰ প্ৰস্তাৱ দিছিলা । আজি বিয়ালৈ তেওঁলোক আহিবই । তেওঁতো সকলো দিশতে মোতকৈ আগবঢ়া ।
হৰেন শইকীয়া,
কমাৰবন্ধা