0 00 1 min 4 yrs 233

স্ব-ইচ্ছৰে তাই জগত জিনিছিল ।

ক’ৰ’বাত কিবা ভুল দেখিলে 
তাই মাত মাতিবলৈ অলপো সংকোচ নকৰিছিল ,
নিৰ্ভয় মনেৰে তাই যুঁজ দিছিল ।
কিন্তু মইনা চৰাই এজনী 
নিজৰ মাতটোৰ বাবেই কাৰাগাৰবদ্ধ ।
আজি কি হ’ল ?
তাইৰ দেহৰ প্ৰতিটো দেৱাংগ
তাইৰ অনুমতিৰ অবিহনেই 
মুখাপিন্ধা দেৱতাৰূপী দানৱৰ হাতত জাহ গ’ল ।
আজি তাইৰ কি হ’ল ?
তাইৰ মন প্ৰতাৰণাই ভাঙি চূৰ-মাৰ কৰি গ’ল ।
নাই নালাগে তাইক
মৌখনা কথাৰে দয়া দেখাই 
তাইক অকটা প্ৰতাৰণা কৰিবলৈ ।
নাই নালাগে তাইক 
মিছা সাহস দি নৰকলৈ ঠেলা দিবলৈ ।
আজি তাই এক অজান ঠাইত 
মুকলি আকাশৰ তলত 
এজনী দেৱশিশুৰ দৰেই মন লৈ 
শূণ্য আৱেগভৰ্তি এজনী পাগলী হৈ গ’ল ।
                         *-দিগন্ত দাস ।*

Leave a Reply

Your email address will not be published. Required fields are marked *