বিষাদক ন’কবা
মই আহিছোঁ বুলি;
বাৰীৰ কাকিনী তামোল থোকা
সাচিঁ ৰাখিছোঁ তোমাৰ বিয়াৰ
বাবে;আয়তীৰ মংগল ধ্বনিত
তোমাৰ শুভপৰিণয় হ’ব
তোমাৰ আপোনজনৰ সৈতে।
হিয়াই হিয়াই প্ৰতি ধ্বনিত হয়;মিলনৰ মধুৰ গুঞ্জন;
হেপাহবোৰ ছটিয়াই হালধীয়া
কৰিলোঁ মনৰ পথাৰ।
দুটি মনৰ জোনাকত পোহৰিত
তমসাচ্ছন্ন মনোকাশ।
সপোন বোৰে থুনুক-থানাককৈ
খোজেৰে আহি;নিদ্ৰাহৰণ কৰিলে
মোৰ। মই অহাবাটেদি যাম ঘূৰি;বিষাদ নাঢালো তোমাৰ
জীৱনত। সুখী হৈ ৰোৱা ।
শুভকামনা থাকিল তোমালৈ।
বিষাদক ন’কবা
মই আহিছোঁ।।।।।।।।।।
ৰশ্মি তামূলী