শিলত খোদিত ভাস্কৰ্য্য
দুবৰিত মুকুতাৰ উত্তাল বাসনা
ওঁঠত মৰহা ফুলৰ আতৰ ঢালি
দুচকুত অশ্ৰুৰ উত্তাল নাচোন বহুৱাই
তুমি কিয় ক’বা ?
জীৱন অনাত্মা বুলি ।
2) প্ৰেম
গোলাপৰ কাঁইটে দিয়া আঘাত
নৈয়ে শিলক দিয়া জখম
তোমাৰ চকুত চকু থলোঁ
বুকুত সৌৰভ লাগি উত্তাল সপোনৰ গোন্ধ ।
৩)ক্ষমা
ফুল এপাহ ছিঙি মোহাৰি দিলোঁ
মোৰ দুহাতত আমোলমোল গোন্ধ ।
৪)মৃত্যু
নৈৰ অন্তিম ঠিকনা
অস্তৰাগৰ লালিম তৰংগত সৰি পৰা
এখিলা পাত
ডাৱৰৰ সলিল সমাধি ।
( পাপু হাজৰিকা,
বকতা নেমুগুৰি, শিৱসাগৰ ।